۔۔۔۔۔۔۔۔۔۔۔ کبوتر ۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کبوتر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں تھکا ہارا گھر میں داخل ہوا، صحن میں دیکھا ایک جنگلی کبوتر بیٹھا ہے، شام کا وقت تھا اور اس وقت کبوتر کا صحن میں بیٹھنا خطرے سے خالی نا تھا وہ کسی بھی بھوکی بلی کا شکار بن سکتا تھا میں نے اُس کو اُڑانا چاہا لیکن وہ اُڑ ناسکا میں نے اُس کو ہاتھ میں پکڑ کر دیکھا وہ کبوتر لقوہ کا شکار تھا اُس کی گردن ایک جگہ ٹہر نہیں رہی تھی اس بیماری میں وہ نا اُڑ سکتا تھا اور نا ہی کچھ کھا پی سکتا تھا، میں باورچی خانے سے روٹی کا ایک ٹکڑا اُٹھا لایا اور چھوٹے چھوٹے ٹکرے کر کے اُس کے منہ میں ڈالنا شروع کر دیئے، میری بیوی نے دیکھا تو کہا! ارے آپ پہلے کپڑے تو بدل لیتے، میں صرف مسکرا کر رہ گیا، اب میرا روز کا معمول تھا آفس جانے سے پہلے اُس کو لہسن کا اجوا پیس کر دیتا اور کچھ باجرے کے دانے اُس کے حلق میں اُتارتا ۔۔۔ پھر آفس سے واپسی پر انڈوں کی خالی پیٹی میں بنے اُس کے گھر سے کبوتر کو نکال کر روٹی کے چھوٹے چھوٹے ٹکرے اُس کو کھیلاتا اور اُس کے حلق میں پانی ٹپکاتا ۔۔۔ دھیرے دھیرے وہ ٹھیک ہوتا جا رہا تھا پھر ایک دن وہ مکمل صحت یاب ہو گیا میں نے اُسے ہاتھ میں پکڑا اور ہوا میں اُچھال دیا ۔۔۔۔ کچھ دیر وہ میرے گھر کے اوپر اُڑتا رہا پھر نظروں سے اوجھل ہو گیا ۔۔۔۔ مجھے بہت خوشی محسوس ہو رہی تھی میری ماں مجھے ڈاکٹر بنانا چاہتی تھی جو کہ میں نا بن سکا تھا لیکن مجھے لگ رہا تھا کہ امی یقیناً قبر میں خوش ہونگی ۔۔۔ آج گھر میں داخل ہوا تو بیوی نے آگے بڑھ کر مجھے گلے لگالیا ۔۔۔ اور میرے کانوں میں وہ کہا جسے سننے کو میں 10 سال سے ترس رہا تھا ۔۔۔۔۔۔ آپ باپ بننے والے ہیں ۔۔۔۔۔۔۔۔ نیکی کبھی رائیگاں نہیں جاتی

"عدنان نذر"